Programa das xornadas de inverno

XORNADAS DE FRUTICULTURA NA MARIÑA

Recuperando as variedades locais de froiteiras.

 

Programa: 

 
Sábado 23 de febreiro:

11.00 horas: Presentación das xornadas.
Por que recuperar as variedades froiteiras tradicionais?. Como facemos?

16.00 horas: Transplante de froiteiras enxertadas en xornadas anteriores.

 
 


Sábado 2 de marzo.

11.00 horas: A poda de formación. Teoría.

16.00 horas: Práctica de poda de formación

 

Sábado 9 de marzo
11.00 horas: Enxerto de cuña en cerdeiras e ameixeiras.

Sábado 23 de marzo
11.00 horas: Enxerto de cuña en mesa. Mazaeiros e pereiras

CUESTIÓNS A TER EN CONTA:

• O programa que antecede pode sofrir cambios derivados de cuestións organizativas.
• As partes teóricas van ter lugar no local do SLG de Lourenzá (Rúa Fernández del Riego, nº 5, 1ºC) e as prácticas na finca habitual. Aquí
• Agradece-se que nos comuniquedes por e-mail ou por teléfono (982121376 local do SLG en Lourenzá, ou 630970132 Toño) a vosa intención de participar.
• Se coñeces algunha variedade tradicional de maceiras ou pereiras, ou sabes quen pode tela, fainolo saber para tentar reproducila e recuperala.
• Temos que trasplantar un bon número de froiteiras enxertadas en xornadas anteriores (mazaeiros, pereiras, ameixeiras e cerdeiras): Vai buscando sitio para plantalas (segundo o lunario, o domingo 24 e o luns 25 de febreiro, son días mui propicios para a plantación de froiteiras –lúa en fase descendente e constelación de froito-). Se tes preferencia por algunha variedade, pídea.

Cursiño de poda

Curso de poda de formación, elaborado polo noso amigo e colaborador Ramiro Martínez Picos.


Cursiño de poda

Xornadas de enxerto de xema

Volvemos ao traballo:

Os dias 8 e 15 de setembro imos iniciar-nos, ou mellorar a nosa técnica, no enxertado de xema.

PROGRAMA (provisional, suxeito a posíbeis cámbios):

Dia 8

Ás 11.00 horas:                                Presentación do proxecto e das xornadas.

De 11.30 a 12.00:                             Teoria: o enxerto de xema.

De 12.00 a 14.00.                             Práctica: cómo seleccionamos os enxertos.

De 16.00 a 18.00:                             Práctica de enxerto de xema.

Día 15

De 11.00 a 14.00 e de 16.00 a 18.00:        Práctica de enxertado de xema

As xornadas van ter lugar no lugar habitual; isto é: na finca de Hermínio Valiña, no Vilar, Santo Adrao, Lourenzá. Para os/as que non saibades chegar, picade aqui

No inverno pasado enxertamos (con maior ou menor éxito) as seguintes variedades de mazaeiros:

San Xoán, Espiño Branco, Villaviciosa, Camoesa, Alvarón, De duela, Repinaldo roxo, Ramona, Foxa e De Pedra.

Faltan-nos por atopar as seguintes:

DE ESPIÑO, TABARDILLA(s), BELLEZA ROMA, MINGÁS Fuciño de lebre, MAZÁ DE LIBRA, MOURAS, SANGRE DE TORO, CAMOESA, DE PERA, SAN XOAN roxa, SAN XOAN branca, DE PERUCO (Repinaldo roxo),TRES EN CUNCA, DE MAZUA, DE MANTECA, DE MESA, CALOSTRAS …

No tocante a pereiras, temos enxertado:

De compota, De péparo, Viuvello, Pereira de espiño, Verde manteca (Mazúa), De manteca, Antigas do Anexo, De auga do Anexo e Caramelón.

Fantan-nos por atopar, entre outras, as seguintes:

URRACA, URRACA DE INVERNO, CASTELLANA, DE CEDO e DE GABÍN.

Se tedes localizadas, ou sabedes quén poida ter, algunha destas variedades que nos faltan, avisade-nos para recoller os enxertos.

Se estás interesado/a en participar, avisa-nos nos teléfonos 982121376 (SLG Lourenzá) ou 630970132 (Toño).

Xornada do 17 de marzo

O enxerto xa non ten segredos para nós

Alegato a favor da Bio-diversidade

José Esquinas, experto en biodiversidade agrícola e membro da FAO durante trinta años, fala nesta entrevista de cómo o dereito aos alimentos é un dereito universal dos seres humanos e que, polo tanto, a loita contra a fame ten que ser unha prioridade dos gobernos a nivel planetario. Explica que para asegurar este dereito é necesario preservar e realizar un uso racional da biodiversidade agrícola, cuxa perda, tanto en especies como en variedades, se está dando de forma alarmante como consecuencia da acción depredadora dos mercados. Por último, informa sobre a posta en marcha do Tratado Internacional de Recursos Fitoxenéticos para a Alimentación e a Agricultura, impulsado pola FAO, que defende o dereito dos labregos e das labregas a participar con equidade dos beneficios obtidos do aproveitamento da biodiversidade.

 Pica no enlace seguinte para ver a entrevista

Entrevista a Pepe Esquinas

Video procedente de http://www.attac.tv/

Xornada do 3 de marzo

Empezamos a enxertar.

Xornada de poda

Aprendendo a podar.